雖然已經踏入冬天，但由於今年陽澄湖大閘蟹盛產，所以吃蟹季節得以延長，而我和肥相公為咗唔辜負大閘蟹農們的努力和敬業樂業的精神，在吃蟹季節完結前再吃一回，標番個蟹尾會﹗唔係咩呀～～

我地唔算大閘蟹狂，所以今晚每人只吃了兩只蟹公，各重四两，跟第一次吃的一樣在後面街買，但跟上次不同就係今次平咗好多，唔知負責採購嘅肥相公有冇俾人呃呢？？不過啲蟹黃好似同上次差唔多，都幾好味，兩公婆一邊雪雪聲一邊慢慢拆蟹都幾滋味架﹗（註：今晚上海氣溫只得十三度）

肥相公憨性又發作，可能見到上次宋同學砌蟹殼砌得好過癮，於是仿效一番。我以為佢砌一隻就算（過癮而已，一隻便夠，畢竟砌蟹殼都幾花心機和時間，俾我寧願拿拿聲趁熱幹掉就算），點知佢兩隻都砌晒，仲砌得好開心好enjoy咁，真係跟宋同學一樣咁天真爛漫﹗

展品A

展品B（大家快啲拍手歡呼吖﹗）

我們熱了一碗上海老酒，再放些話梅，和着蟹肉吃，別有風味。

當然點少得驅寒嘅薑茶？肥相公起勢咁放薑，正牌辣到跳舞﹗

填肚嘅就係樓下吳菀餅家供應嘅小籠包，每人吃了一打，飽晒﹗﹗洗澡後肥相公還沖了菊花茶添﹗真是一個圓滿的星期天晚餐﹗~~